kense.oo.ap@pavlodar.gov.kz
140 000 Павлодар қ., Кривенко көшесі, 25
32-21-67
Сенім телефоны
8 7182 32 19 37

Азаматтарды жеке қабылдау кестесі
Сайттың аналитикасы
Бір жылда2914940
Бір айда307741
Бір аптада47785
Кеше8706
Тәулік7507
Павлодар қаласы мектептері оқушыларының жазғы демалысы және жұмыспен қамтылуы туралы
05-06-2019 10:04

Балалардың демалысын, сауықтырылуын және жұмыспен қамтылуын ұйымдастыру мақсатында 2019 жылы барлық демалыс нысандарымен, сауықтырылумен және жұмыспен қамтумен 40023 оқушы немесе 1 - 10 сынып оқушыларының жалпы санының 100% қамту жоспарлануда.Осы мақсаттарды іске асыруға 289,4 млн. теңге бөлінді, оның ішінде жергілікті бюджеттен 63,0 теңге, оның ішінде мектеп жанындағы лагерьлерге – 16,926  мың теңге, еңбек отрядтарына 11,740 млн. теңге, қала сыртындағы лагерьлерге жолдама 34,373 млн. теңге. Қала сыртындағы лагерьлерге, санаторийлерге, кәсіподақ, демеушілік және ата - ана қаражаты есебінен алыс және жақын шетелдерге демалуға жолдамалар сатып алуға 226,3 млн. теңге.

«Жаз - 2019» жазғы компаниясы барысында 42 жалпы білім беретін мектепте оқушылардың демалысы мен сауықтырылуын ұйымдастыру бойынша күндізгі және 3 рет тамақтанатын мектеп жанындағы лагерьлер ашылды - 2 маусым, ұзақтығы 15 күн. Жолдаманың құны 7440 теңгені құрайды бір балаға күніне 496 теңге. 1 - 4 сынып оқушыларының алдын ала қамтылуы 15098 (74%) құрайды, оның ішінде әлеуметтік қорғалмаған отбасылардан шыққан 5166 бала, оның ішінде жетім балалар - 324 (2018 жылы- 14584 (74%).

Оқушылардың жұмыспен қамтылуын ұйымдастыру мақсатында 5 - 9 сыныптардың жалпы санынан 15106 немесе 77% қамтылған бейіндік лагерьлер жұмысыжоспарланды. Бейіндік лагерьлер мектептерде және мектептен тыс ұйымдарда қызметтің түрлі бағыттары бойынша - туристік-өлкетану, экологиялық, зияткерлік, әскери-спорттық, этномәдени бірлестіктер ұйымдастырылады. Тіл лагерлері, шахмат және робототехника үйірмелері, «Дарын», «Лингвист» бейіндік мектептері қазақ, орыс және ағылшын тілдерін оқыту жұмыстарын жалғастырады. 

Қала сыртындағы лагерьлерде демалумен 9700 жасөспірімді қамту жоспарлануда. 2019 жылдың маусым айынан тамыз айына дейін Мичурино ауылындағы «Балдәурен» қала сыртындағы оқу-сауықтыру орталығында 720 бала демалады.

Оқушыларды жазғы жұмыспен қамтудың басым бағыттарының бірі кәсіпорындар мен шаруа қожалықтарында уақытша жұмыс орындарын ұйымдастыру көзделеді. Бүгінгі күні қала мектептерінің 1500 оқушысы уақытша жұмыс орындарына жұмысқа орналасты, осы бағыттағы жұмыс жалғасуда.

«Жаз - 2019» жазғы науқаны аясында 2500 оқушы (45%) еңбекпен қамтылады деп болжануда. Қала аумағын абаттандыру және көгалдандыру бойынша отрядтарда 607 (14- 17 жас аралығындағы оқушылар санының 5%) жоғары сынып оқушылары қамтылады. Осы мақсатқа жергілікті бюджеттен 10,940 млн. теңге бөлінді. 4 сағаттық жұмыс күні 15 күн үшін жалақы 18002 теңгені құрайды. Сонымен қатар, мектеп еңбек отрядтарының қатысушылары мен «Жасыл ел» жауынгерлері үшін жолақысына 4,8 мың теңге көлемінде біржолғы өтемақы қарастырылған. Павлодар, Кенжекөл, Ленин ауылдарын абаттандыруға және көгалдандыруға 148 жоғары сынып оқушылары қатысады, еңбекақыға ауылдық округтердің бюджеттері салынды.

Жазғы демалысты ұйымдастыру бойынша жұмыс қаланың 8 мектептен тыс мекемелерінде, бейінді лагерьлер, жобалық қызмет, шығармашылық алаңдар, үйірмелер арқылы 17 аула клубтарында жүргізіледі, онда 27000-нан астам балалар мен жасөспірімдер жұмыс істейді. Экология және туризм орталығында және «Жігер» балалар жасөспірімдер клубында 165 оқушыны қамтыған «Зан», «Лид» жазғы мектептері жоспарланып отыр. Жазғы науқан шеңберінде «Балаға мейірімді жаз» жобасы іске асырылатын болады,оның аясында мектептен тыс ұйымдар әзірлеген 6 кіші жоба бар. «Павлодар дарыны» дарынды балаларды дамыту және жұмыспен қамту орталығымен балалардың зияткерлік, шығармашылық қабілеттерін дамытуға бағытталған «Әлем. Бала» шағын жобасы әзірленді, «Бір шаңырақ аясында» шағын жобасы - патриоттық тәрбиені қалыптастыруға, отбасылық құндылықтарды сақтауға бағытталған «Жігер» балалар-жасөспірімдер клубы, «Жаздың ғажайыптары» - балалар-жасөспірімдер экология және туризм орталығы. Жоба балалар туризмін, экологиялық тәрбиені дамытуға бағытталған. «ART Life» - «Павлодар облысының киелі орындары балалар көзімен» облыстық жобасының 2-ші кезеңі шеңберінде балалар көркемсурет мектебі.Маусым айында «Ертіс - Баян өңірінің ұлы тұлғалары» атты өңірдің атақты адамдарының портреттерін Баянауылдың ұлттық саябағына көркем мектеп тәрбиеленушілерінің көшпелі плэнерінде жазу жоспарланған. «Бірлік» шағын жобасы - ұлттық жаңғырту мектебі бірлікті қалыптастыруға, «Музыка симфониясы» - балалар музыка мектебінің музыкалық шығармашылығын дамытуға бағытталған. Әрбір жобада 6-8 іс-шара жоспарланған. Қаланың 42 мектебін жобалармен және іс-шаралармен толық қамту үшін 4 түп белгіленді. Барлық іс-шаралар қалалық конкурс, фестиваль, слетпен аяқталады.

Өткізілген іс-шаралардың қорытындысы бойынша күтілетін нәтиже оқушылардың барлық демалыс түрлерімен, сауықтырылуымен және жұмыспен қамтылуын 100% қамту болып табылады.

Бейіндік және мектеп жанындағы лагерьлерде «Рухани жаңғыру» шеңберінде облыстық жобаларды іске асыру бойынша жұмыстар жалғастырылады. Ұлттық бірегейлікті сақтау мақсатында Павлодар қаласының білім беру бөлімімен «Асық ату» ұлттық ойыны бойынша қалалық турнир, «Ғасырлар тоғысынан» балалар музыкалық және көркем мектептерінің ұзақ мерзімді жобасын жалғастыру жоспарланған.  Музыкалық мектеп 3 - 7 маусым аралығында осы жоба аясында «Мәңгілік елдің - мәңгілік сазы» фестивалін өткізеді. Кәсіподақ және ата-аналар комитеттерінің қорынан демеушілік көмек есебінен Қазақстан мен облыстың қасиетті жерлеріне 1000-нан астам оқушы барады деп жоспарлануда.

Павлодар қаласы білім біру бөлімі