kense.oo.ap@pavlodar.gov.kz
140 000 Павлодар қ., Кривенко көшесі, 25
32-21-67
телефон доверия/Call-центр
8 7182 32 19 37

Азаматтарды жеке қабылдау кестесі
Сайттың аналитикасы
Бір жылда2844559
Бір айда221952
Бір аптада55253
Кеше12167
Тәулік5272
Ерекше білім беруді қажет ететін балаларға психологиялық-педагогикалық сүйемелдеу
18-05-2020 18:02
Ерекше білім беруді қажет ететін балаларға психологиялық-педагогикалық сүйемелдеу

 

Павлодар қаласының білім беру бөлімі Zoom бағдарламасын пайдалана отырып «Ерекше білім беруді қажет ететін балаларға психологиялық-педагогикалық сүйемелдеу» тақырыбында онлайн конференция өткізді. Мақсаты - инклюзивті білім беру мәселелері бойынша қаланың жалпы білім беретін мектептерінің қызметін әдістемелік сүйемелдеу бойынша жұмысты одан әрі жетілдіру. Конференцияға жалпы білім беретін мектеп директорларының 60-тан астам орынбасарлары, облыстың білім беру мекемелерінің инклюзивті білім беру мамандары болды, Павлодар және Семей қалаларының білім беру бөлімінің әдіскерлері мен мамандары, Павлодар қаласының психологиялық-медициналық-педагогикалық консультациясы, Семей қаласының әдістемелік және психологиялық орталықтары, Павлодар мемлекеттік педагогикалық университетінің басшылары қатысты.

Онлайн конференцияның модераторы Павлодар қаласы білім беру бөлімінің әдіскері Шолпан Сәменқызы Нұрахметова болды. Конференцияға облыстық «Үздік ғылыми-әдістемелік құрал - 2020» конкурсында 2 бірінші орынға ие болған қалалық психологтар мен логопедтердің шығармашылық топтарының екі әдістемелік құралдары ұсынылды. М. Әуезов атындағы мектеп директорының орынбасары, № 34 ЖОМ психолог, логопед, бастауыш сынып мұғалімдері, Ы. Алтынсарин атындағы ҰБА жанындағы республикалық шығармашылық топ мүшелерінің жұмыс тәжірибесі ұсынылды. Пленарлық бөлімде инклюзивті білім берудің нормативтік-құқықтық базасын орындау, оқу жылын аяқтау және ерекше білім беру қажеттіліктері бар оқушыларды қорытынды аттестаттау мәселелері бойынша Павлодар қаласы білім беру бөлімінің бас маманы Алла Федоровна Деревнина сөз сөйледі. Қалалық психологиялық-медициналық-педагогикалық консультацияның жетекшісі Айтбаева Сұлушаш Айткенқызы білім беру ұйымдарында педагогикалық консилиумды өткізу алгоритмін ұсынды, ерекше білім беру қажеттілігі бар балалармен жұмыс істеу бойынша құжаттамаға қойылатын талаптарды орындау бойынша нақты ұсыныстар берді.

Конференцияның практикалық бөлімінде М. Әуезов атындағы мектеп директорының орынбасары Безрукова Юлия Алексеевна қашықтықтан оқыту жағдайында оқу үдерісін әдістемелік сүйемелдеуді ұйымдастыру, интернет ресурстар мен платформаларды оқушылар мен ата-аналармен кері байланысты ұйымдастыру үшін пайдалану мәселелері бойынша жұмыс тәжірибесімен бөлісті. № 34 ЖОМ бастауыш сынып мұғалімдері, республикалық шығармашылық топ мүшелері, Назаренко Анна Олеговна және Акимова Екатерина Васильевна «Инклюзивті білім беру жағдайында 1 сыныпта математика сабағында дифференциалды тәсілді іске асыру», «Инклюзивті білім беру аясында сауаттылықты оқыту сабақтарында педагогикалық тәсілдер» мәселелері бойынша сөз сөйледі. Манякова Марина Васильевна және Бережная Анастасия Алексеевна, психологтардың қалалық шығармашылық тобының жетекшілері ерекше білім беруді қажет ететін оқушыларды психологиялық-педагогикалық сүйемелдеу бойынша ғылыми-әдістемелік құрал ұсынды. Пшенко Юлия Анатольевна, № 26 ЖОМ логопеді, логопедтердің қалалық шығармашылық тобының жетекшісі «Жалпы білім беретін мектеп жағдайында логопедтік жұмысты жетілдіру» атты әдістемелік нұсқауларды ұсынды.

Қашықтықтан оқыту жағдайында ерекше білім беруді қажет ететін оқушыларға кедергісіз орта құру және педагогикалық сүйемелдеу мәселелері бойынша Семей қаласының әдістемелік және психологиялық орталықтармен сындарлы диалог өтті. Кәсіби өсу, педагогикалық кадрлардың біліктілігін арттыру және жоғары оқу орнынан кейінгі білім беру мәселелері бойынша Мырзақұлов Серік Валерьевич, ғылыми жұмыс және халықаралық байланыстар жөніндегі проректор, п.ғ.к. Сүлейменова Гүлмира Амангелдіқызы, магистратураға қабылдауға жауапты және Павлодар мемлекеттік педагогикалық университетінің қабылдау комиссиясының жауапты хатшысы Мұсанова Гүлнар Манапқызы сөз сөйледі.

Кері байланыс және рефлексия онлайн режимде өткізілді. Конференцияға қатысушыларға жалпы білім беретін мектепте ерекше білім беруді қажет ететін балаларды оқыту мен тәрбиелеу үшін жағдай жасау бойынша әдістемелік ұсыныстар берілді. Конференция материалдары инклюзивті білім беруді іске асыру мәселелерінде ынтымақтастық бойынша серіктестерге жіберілетін болады, инклюзивті білім беру жағдайында жұмыс тәжірибесінің электрондық банкінде орналастырылады.